Hansı peşə üzrə təhsil almısınız və ya alırsız?
Bakalavr -(2016-2020) - Azərbaycan Respublikasının Prezidenti yanında Dövlət İdarəçilik Akademiyası - Kompüter elmləri (Fərqlənmə)
Magistr (2020-2022)- Azərbaycan Respublikasının Prezidenti yanında Dövlət İdarəçilik Akademiyası - Dövlət İnformasiya sistemləri təhlükəsizliyi (Fərqlənmə)
Doktorantura - (2022-2025) - Azərbaycan Texniki Universiteti - Xüsusi əməliyyatlar texnologiyası
Təhsildən öncə nə işlə məşqul olmusunuz?
Bakalavr 3-cü kursdan başlayaraq part-time olaraq AtaTexnologiya MMC-də back-end developer olaraq çalışmışam.
Təhsil muddətində və ya sonra hansı nailiyətlər əldə etmisiniz ?
STEP IT Academy -də Cisco şirkətinin IT Essentials kursunu müvəffəqiyyətlə bitirib sertifikat almışam.
Bu işdən gəlir əldə etmisinizmi? Olubsa ilk dəfə nə zaman olub?
Əlbəttə. 2019-cu ildə part-time olaraq AtaTexnologiya MMC-də back-end developer vəzifəsində çalışmışam.
Belə bir hal olub ki Siz motivasiyadan düşmüsüz? Əgər olubsa bunun üstəsinnən necə gəlmisiz?
Çox. Mən 11 il 4-cü qrupa (həkimlik) hazırlaşıb, 11-ci sinifdə 1-ci qrupa sənədlərimi vermişəm. İlk vaxtlarda çox çətin idi. Amma çətini sevirəm. Ümumiyyətlə, uğura gedən yol heç vaxt asan olmur. Bu yol həmişə həmişə düz olmur. Bəzən hər şey çox rahat olur, bəzən də çox dibə düşürsən . Amma önəmli olan inanmaqdır. Çünki insan istəsə hər şey mümkündür.
Peşənizdə istedad vacibdir? Yoxsa əzimkarlıq?
Düşünürəm ki, hər ikisi vacibdir. Amma bunlardan da daha vacib olanı inamdır. Daha sonra əzmkarlıq gəlir. Çünki özünə inanmasan, hər şey boşdur. Gecə gündüz oxusan da, çalışsan da faydası yoxdur. Əzmkarlıq isə önəmli faktordur. Nə qədər istedadlı olursan ol, əgər istedadını inkişaf etdirməsən, əzmlə çalışmasan bütün biliklərin hədər gedəcək. Heç vaxt həvəsdən düşmək lazım deyil. Ən güclü proqramistlər belə müəyyən səhvlərlə, nəyisə bilmədən, İT səhəsində heç bir məlumatı olmadan bu sahədə çalışmağa başlayıblar və uğurlu olublar.
Hal hazırda nə işlə məşqul olursunuz? Hansısa şirkətda işləyirsinizmi?
Socar Downstream Management MMC-də İstehsalat texnologiyaları üzrə mühəndis (Software Engineer)
Step IT həyatınızı dəyişibmi? Dəyişibsə necə dəyişib?
Proqramlaşdırma sahəsindən olan insanlarla tanışlıq.
Sertifikatlaşdırma
Niyə məhz Step IT Academy?
Daha yaxşı təhsil almaq üçün.
Akademiyamızda təhsil alan tələbələrə və təhsil ilə marağlananlara nə demək istərdiniz?
Özünüzə güvənin, özünüzə inanın. Uğura gedən yol heç vaxt asan olmur. Gün ərzində özünüzə və təhsilinizə vaxt ayırın. İngilis dili biliklərinizi inkişaf etdirin. Risk almaqdan, bir neçə işi eyni vaxtda yerinə yetirməkdən çəkinməyin.
