Məsələn mən başlanğıcda “sistem administratoru olum bəsdir” deyirdim, “diplom olsun bəsdir” falan. İkinci semestrda “şəbəkəçi olmaq lazımdı”, “CCIE almaq lazımdır” deyirdim. Server keçdiyimiz zaman Linux-a və Security-yə maraq saldım və özümü orda tapdım.

17 yaşım  olması ilə əlaqədər hər hansısa bir yerdə işləmirəm və hələki o qədər də nailiyyət əldə etməmişəm, amma önümüzdəki 1 ay içərisində CCNA və RHCSA sertifikat imtahanlarına girməyi planlaşdırıram, eləcə də freelance proyektlərdə yer almışam. İlk qazancım 6 ay öncə olub.

Akademiyaya gəlməzdən öncə IT sahəsinə yaxın sahələrdə çalışırdım. Artıq 1-ci semestrin 3-cü ayında IT HelpDesk olaraq çalışmağa başladım.

Hal-hazırda STEP IT Academy-dəki təhsilim davam edir və Elektron Hökumətin İnkişafı Mərkəzində System Admininstrator vəzifəsində işləyirəm.  STEP IT Academy mənə IT sahəsində necə peşəkar kimi irəliləməyi öyrədib və öyrətməyə davam edir. Karyeramda ilk addımları məhz STEP IT Academy ilə atmışam.

STEP IT Academy-də təhsil müddətində əldə etdiyim nailiyətlərdən biri, beynəlxalq səviyyədə tanınan CISCO və PaloAlto imtahanlarını yüksək nəticə ilə bitirib, sertifikatlarını əldə etmək idi. Digəri isə təhsil aldığım müddətdə təhsil aldığım sahə üzrə işlə təmin olumağım oldu.

Bir müddət Sinteksdə işlədikdən sonra Kapital Bankdan texniki dəstək üzrə mütəxəssis vəzifəsi üzrə təklif gəldi. Kapital Bankda işlədiyim müddətdə Linux əməliyyat sistemindən əlavə olaraq müəyyən qədər HTML, CSS, JavaScript və s. öyrənərək təcrübə toplamışdım.

Hal hazırda Azərsun Holdinqdə IT mütəxəssis olaraq çalışıram. Bu yaxınlarda isə Azintelekom şirkətinə NOC mühəndis olaraq işə qəbul olmuşam yaxın zamanda həmin qurum ilə əmək müqaviləsi imzalayacam.

İlk dəfə 2020-ci ilin noyabrında rəsmi olaraq işləməyə başladım. Ondan öncə 2 ay “internship” keçmişəm. Hal hazırda ATL Tech şirkətində program təminatının tədbiqi və dəstəyi üzrə kiçik mütəxəssis kimi işləyirəm.

STEP IT Academy həyatımı çox dəyişdi. İlk IT-yə atdığım addım məhz STEP IT Academy sayəsində oldu. Heç vaxt motivasiyadan düşməmişəm əksinə gündən-günə dahada həvəslənirəm. Ən yaxşı olmaq arzusu məni buna məcbur edir.  Uşaqlıqdan arzum IT öyrənmək idi. Kursları bəyənmirdim. Fərqli bir mühit axtarırdım. Adi kurslar kimi olmayan fərqli bir yer. Bu muhiti STEP-də tapdım.

Step IT Academy həyatımı dəyişib? Fikrimcə, bu suala cavabım:  “Bəli,  dəyişib”. Bu dəyişim əlbəttə ki, müsbət məna daşıyır. Belə ki, Akademiya mənə ilk növbədə vaxtımı səmərəli keçirməyi, düzgün vaxt bölgüsü aparmağı öyrədib. Burada əldə etdiyim biliklərlə təcrübə keçmək üçün müraciət etdiyim əksər şirkətlərdən müsbət cavab alırdım.

Təhsil öncəsi müxtəlif işlərdə işləyirdim. Bura  avtomobil servisi (motorist, elektrik və s..)  kafe, restoran, hətta bazar işləri ilə  belə məşğul olmuşam. Hal hazırda Azərbaycan Beynəlxalq Bankında Bank Sistemlərinin İdarə edilməsi üzrə Mütəxəssis işləyirəm.

Hal hazırda şəbəkə mütəxəsisi olaraq Aztelekom MMC-də işləyirəm. Bu günə qədər belə bir fikirlərnən qarşılaşmışam ki “IT səndə alınmaz”, “başqa bir sahəyə yönlən” və sair, amma bu fikirlərə qulaq asmamışam və öz məqsədimdən dönməmişəm. Buna görə də bu sahədə daha çox irəliləyəcəyimi düşünürəm.

Məqsədinizə gedən yolda qarşılaşdığınız çətinliklər sizi ruhdan salmasın. Kömək istəməkdən çəkinməyin və öyrəndiklərinizi başqalarına da izah etməyə çalışın. Bu ən yaxşı öyrənmək üsullarından biridir, məncə.

Hal hazırda Azərbaycan Respublikası İqtisadiyyat Nazirliyinin Sahibkarlığın İnkişafı Fondunda baş mütəxəssis vəzifəsində çalışıram. əslində iş yerimi dəyişməyi çoxdan planlaşdırırdım. sadəcə özümü hazır saymırdım. STEP IT Academy sayəsində biliklərimi təkmilləşdirdim,  və bu addımı atdım.

Təhsil muddətində təcrübəçi kimi işləyirdim. Bitirəndən sonra ilk olaraq IT mütəxəssis kimi işə başladım və sonra isə əsas istədiyim iş olan Linux Administratorluq üzrə kibrit.tech şirkətində çalışmağa başladım. İlk ciddi şəkildə gəlirim Akademiya bitəndən həmən sonra olub.

Düşünürəm ki ölkədə IT sahəsi üzrə daha kefiyyətli və şəffaf dərs verən belə bir yer yoxdur. Bütün müəllimlərimə və STEP IT Academy heyətinə təşəkkür edirəm ki biz tələbələrin daha yaxşı oxuyub mütəxəssis olmağı üçün əllərindən gələni əsirgəmirlər.

Məncə elə bir sahə yoxdur ki, istedad və əzmkarlıq lazım olmasın. Mənə görə bu peşədə əzmkarlıq daha böyük rol oynayır, təbii ki istedadın da olmalıdır ki çətin situasiyalarda bu vəziyyətdən çıxmağı bacarasan.

Bu işdən ilk gəlirimi elə Akademiyada təhsilimi başladıqdan 7-8 ay sonra qazanmağa başlamışam. Nəzəri biliklərimə güvənirdim və həmin bilikləri prakitika etmək üçün müxtəlif servis mərkəzlərinə müraciət edirdim.

STEP IT Academy-dən öncə avtoservisdə tuning işi ilə məşğul olurdum. Təcrübəci olaraq Məlumat Hesablama Mərkəzində junior network admin kimi fəaliyyət göstərmişəm. Daha sonra Socar-AQS şirkətindən iş təklifi almışam və hal hazırda Socar-ın IT şöbəsində Helpdesk inzibatçı olaraq fəaliyyətimi davam etdirirəm.

Akademiyada kompüter komponentləri, şəbəkə avadanlığı və şəbəkə kabelləri ilə işləmək üçün əsas bacarıqlar əldə etmişəm. Bu bilgilər gələcəkdə ilk rəsmi iş yerimə qəbul olmaqda böyük rol oynadı.

Akademiya-da oxuduğum 4 ay idi ki, artıq IT üzrə işlə təmin olundum və ilk gəlirimi əldə etdim. STEP IT Academy həyatıma müsbət təsir göstərib ən böyük qazancım Akademiyada tanıdığım dostlarım və hər zaman dəstək olmağı özlərinə borc bilən müəllimlərim olub.

Mən Akademiya ilə 2020-ci ildə tanış olmuşam  .Marağlandığım digər müəssisələr 6-8 ay aralıqında təhsil verirdilər. Nəyə görə STEP-dəki təhsilin 2 il 6 ay olduğunu araşdıranda isə təhsilin nə qədər ətraflı dərinliklə keçirildiyini gördüm və seçimimi məhz buna görə etdim