Tələbələrimizin və məzunlarımızın uğur hekayələrini tez-tez sizinlə bölüşürük, ancaq onların uğurlarının arxasında sevimli müəllimlərimizin titanik əməyinin dayandığını demək olar ki, unuduruq. Bu gündən etibarən sizlərə Akademiyamızın sevimli müəllimləri ilə sizə bir sıra müsahibə təqdim edəcəyik. Ənənəni Akademiyanın ən parlaq və ən məşhur müəllimlərindən biri, rəssam Zöhrab Salamzadə ilə açıq elan edirik!
Salam, Zöhrab! Özünüz haqqında bir az danışın.
Salam. Mən 19 Noyabr, 1992-ci ildə Bakı şəhərində memar və dizayner ailəsində anadan olmuşam. Anam memar, atam mühəndis, bacım isə dizaynerdi. Belə deyək ki, yaradıcı aləmdə böyümüşəm. Uşaqlıqda bütün uşaqlar kimi, rəsm çəkirdim. Bu prosesin özü çox xoşuma gəlirdi. Elə bir gün yadıma gəlmir ki, mən rəsm çəkmiyim. Elə bir gün olsa belə, çox nadir halda olardı. Oyun oynamaqdan çox, rəsm çəkməyə daha çox vaxt sərf edirdim.
Zöhrab, necə rəsssam oldunuz? İstedadınızı kim və nə vaxt gördü?
“Məhz bu an rəssam oldum” deyərək, insanların incəsənətə xüsusi bir şəkildə gəldiyini düşünmürəm. Rəsm çəkmək mənim üçün həmişə maraqlı olub və peşə seçimimdə çətinlik çəkmmişəm. Heç bu haqda fikirləşməmişəm. Artıq nə istədiyimi bilirdim. İstedadımın olduğuna birinci anam fərqinə vardı və hobbimə mümkün qədər az müdaxilə etməyə çalışırdı. Ümumiyyətlə müdaxilə uşaqları qorxudur və rəsm çəkməydən soyudur. O mənim nə edəcəyimlə, nə çəkəcəyimlə maraqlanırdı. 9-cu sinfi bitirdikdən sonra peşə məktəbinə daxil oldum. Orada maraqlı insanlarla, müəllimlərlə tanış oldum və bu günə gədər onlarla yaxşı dosluğumuz var. Peşə məktəbini bitirdikdən sonra Dövlət Rəssamlıq Akademiyasına qəbul oldum.
Peşənizdə ən çox nəyi sevirsiniz?
Sərbəst sənətkar olduğumu. Mən hərəkətlərimdə azadam,zaman qıtlığım və ya mövzu məhdudiyyətim yoxdur. Tanıdığım bir çox heykəltəraş var ki, onlarla keramika ilə məşğul ola və rəsm çəkə bilərəm. Sevdiyim işi görürəm və heç bir şey məni çərçivəyə salmır.
Yazdığınız bədii istiqamətdən, daha dəqiq desəm, sizə xas olan üslubdan danışın?
Bu barədə heç nə deyə bilmərəm. Nə Sizə, nə də başqasına. Bunu gizlətdiyimə görə və ya açıqlamaq istəmədiyimə görə yox, sadəcə ümumiyyətlə üslubumun nəcə adlandırıldığını bilmirəm.
Rəsm çəkdiyim üslub illüstraya aid edilə bilməz - illustrasiya üçün şəkillərim çox böyükdür, elementləri olmasına baxmayaraq qrafikaya da aid etmək olmur. Əslində bu rəsmdir, amma texnika fərqlidir, miniatüra elementləri var, amma yenə də - şəkillər çox böyükdür. Düşünürəm ki, bu sualı peşəkar sənətşünasa vermək lazımdır ki, onu analiz edib bir ad verə bilsin.
Hansı sərgilərdə iştirak etmisiniz?
2009-cu ildə İncəsənət məktəbinə qəbul oldum və artıq birinci kursdan sərgilərdə iştirak etməyə başladım. Bunlar Rəssamlar İttifaqında, daha sonra muzey mərkəzində, daha sonra ayrı-ayrı qalereyalarda keçirilən sərgilər idi. Müəyyən bir dövrdə sərgi bumu oldu: çox sayda sərgilər keçirilirdi və mən də hamısına əsərlər təqdim edirdim. O vaxt konkret bir üslubum yox idi və mən istənilən sərgiyə düşməyə çalışırdım. Üslubum formalaşandan sonra məni müxtəlif sərgilərə dəvət etməyə başladılar. Həmçinin bir neçə il “Yarat”-ın layihələrində də iştirak etmişəm.
Hətta öz təşkilatımızı da yaratmışdıq, beynəlxalq festivallarda müasir konseptual sərgilər təşkil edirdik. İlk personal sərgim isə 2019-cu ildə baş tutdu. Bundan əvvəl 45-dən çox sərgidə iştirak etmişdim. Rəsmləri üsluba görə bölmək üçün sərginin təşkili çox vaxt apardı, çünki əsərlər çox idi.
Rəssamlar arasında kumiriniz varmı?
Xaricilərdən Alfons Muxanı və Anri de Tuluz-Lotreki qeyd edə bilərəm. Əslində çox fərqli sənətkarları sevirəm və hər bir rəssamın müəyyən əsərlərin bəyənirəm.
Azərbaycanlı rəssamlar arasında Səttar Bəhlulzadə, Tahir Salahov, Böyükağa Mirzəzadə və Mikayıl Abdullayevi çox bəyənirəm. Sənətçilərimizi çox sevirəm və müasir rəssamlarımız arasında da dost olduğum bir çox istedadlı insan var.
Akademiyamıza necə gəldiniz və müəllimliyi sevirsinizmi?
İş təklifini Aybəniz Alıyevadan aldım. Hal hazırda Akademiyada incəsənət tarixi üzrə müəllimədir. Akademiyanın təzə açıldığı dövrdə məni məsləhət bildi. Səmimi deyim ki, müəllimliyi sevirəm, tələbələrlə ünsiyyət qurmaq, biliklərimi onlarla bölüşmək çox gözəldir. Əlbəttə ki, bəzi çətin məqamlar olur: vaxtımız o gədər də çox deyil və mən fikrimi daha ətraflı izah edə bilmirəm. Onu da başa düşməliyik ki, bu bir incəsənət akademiyası deyil, Kompüter Qrafikası və Dizayn istiqaməti daxilində rəsm üzrə giriş kursudur. Ümumiyyətlə, uşaqlara gələcəkdə faydalı olacaq biliklər vermək xoşuma gəlir.
Müəllimlikdə hansı çətinliklərlə qarşılaşırsınız?
Mən həmişə rəsmin nə olduğunu və necə çəkiləcəyini başa düşürdüm. Ancaq sıfırdan başlayan tələbəyə bunu izah etmək çətin idi. Rəssamlıq Akademiyasına daxil olarkən bizdən müəyyən biliklər tələb olunurdu və bu biliklər olmayanda, səni sadəcə kənarlaşdırırlar.
STEP IT Academy-də isə heç vaxt əlinə fırça götürməmiş, heç vaxt rəsm çəkməmiş tələbələr gəlirlər və artıq sən onların dilində danışmağa, icad etməyə, bəzi detalları düşünməyə çalışırsan. Yalnız bu çətinliklərlə qarşılaşmışam.
Özünüzı rəqiblər yetişdirməkdən qorxmursunuz?
Xeyr, qorxmuram, hər bir rəqibə sevinərəm. Bu həmişə əyləncəlidir :))
Gələcək planlarınızı bizimlə bölüşə bilərsinizmi?
Bir milyard qazanmaq Akademiyanı atmaq və Havay adalarına uçmaq)) Ciddi danışsaq, arzum xaricdə sərgi təşkil etməkdir. Hər sənətkarın arzusu məşhur olmaq və əsərlərinin daim tələb olunmasını təmin etməkdir. Ancaq bunun necə olacağını deyə bilmərəm. Hər şey fortunadan, talehin üzünə gülməsindən və əlbəttə ki, səylərindən asılıdır. Mən üzərimdə çox çalışıram, çox rəsm çəkirəm və növbəti səviyyəyə keçməyi planlaşdırıram. Əsas odur ki bir yerdə durmuyasan və daim öz üzərində çalışasan.
Zöhrab, maraqlı söhbət üçün Sizə təşəkkür edirəm. Şəxsi və yaradıcılıq həyatınızda uğurlar arzulayırıq.
Belə xoş bir müsahibə üçün çox sağ olun.