Tələbələrimizin və məzunlarımızın uğur hekayələrini tez-tez sizinlə bölüşürük, ancaq onların uğurlarının arxasında sevimli müəllimlərimizin titanik əməyinin dayandığını demək olar ki, unuduruq. Akademiyamızın sevimli müəllimləri ilə sizə bir sıra müsahibə təqdim edirik. Akademiyanın ən ilk müəllimlərindən biri olan Paşa Rzayevlə müsahibəni diqqətinizə çatdırırıq.
Salam, Paşa! Özünüz haqqında bir az danışın.
Salam. Mən Rzayev Paşa, 21 Mart 1991-ci ildə Bakı şəhərində sıravi bir ailədə anadan olmuşam. Uşaqlıqdan texnologiya, elektronika, elektriklə işləyən oyuncaqlara həvəsim olub , sökürdüm, baxırdım, araşdırırdım. Əbədi mühəriikə qədər fikirləşirdim, çox marağımda idi.
Bir ara radio həvəskarı idim, radio elektronikası ilə məşğul idim. Həmin vaxtlar bütün dünya və Azərbaycanda IT sahəsinin yeni inkişaf edən dövrünə təsadüf edirdi. Düzdü, o vaxt material da az idi, internetlə problem yaşayırdıq. İntenten çox zəif idi, nəsə öyənməyə maneələr yaradırdı. Hal hazırda vəziyyət qat-qat yaxşıdır, bundan əlavə fərqli forumlar, fərqli faydalı kurslar da mövcuddur.
Ümumilikdə, özüm bu sahə ilə həvəskar kimi məşğul olmağa başlamışam. Məktəbi bitirdikdən sonra Azərbaycan Dövlət Texniki universitetinə maşın mühəndisliyi fakultəsinə daxil oldum. Universitetə daxil olandan sonra ingilis dilimi inikişaf etdirməyə, həm də IT ilə məşğul olmağa başladım.
Bakalavr dərəcəsini bitirdikdən sonra Azərbaycan Dövlət Texiniki Universirtetinin magistratura pilləsinə qəbul olundum və hərbi xidmətə getdim.
Xidmətdən qayıdıb magistraturada oxuya-oxuya Risk Company-də işə başladım.
2017 ci ilə qədər orada İnformasiya Texnoloqiyaları Mühəndisi kimi çalışdım. Daha sonra Dövlət İmtahan Mərkəzindən iş təklifin aldim və Senior Sistem Adminstrator kimi işə başladım və hal hazırdada orada işləyirəm. Bu peşəkar karyeramın bir hissəsidir.
İkinci hissəsi isə pedaqogika sahəsinə aiddir. 2014-cü ildə ikinci iş olaraq dərs deməyə başladım və dedikcə prosesin nə qədər xoşuma gəldiyini anladım.
Akademiyamıza necə gəldiniz?
STEP IT Academy-dən öncə hardasa 2 ilə yaxin müxtəlif kurslarda dərs demişəm.
2016 ci ildə Facebook-da elan gördüm STEP IT Academy yeni açılırdı, onda müraciyət etdim. İstəyim adi kurslarda deyil, peşəkar bir mühitdə dərs keçmək idi.
Müəllimlik peşəsini sevirsinizmi? Hansı çətinliklərlə qarşılaşırsınız?
Heç vaxt çətinlik çəkməmişəm, əksinə dərs keçməydən zövq alıram.
Tədris etdikdə insan daim texnologiyalar mövzusunun içərisində olur, üstəgəl yeni insanlar taniyirsan və mənəvi cəhətdən rahatlıq tapirsan. Baxirsan ki dərs dediyin tələbələr, həm sənin dostlarına çevrilir, həm də IT bazarında müəyyən vəzifələr tuturlar. Onların uğurlarında cüzi əməyinin olduğunu hiss edəndə özünlə fəxr edirsən.
Azərbaycanda IT-nin gələcəyini necə görürsünüz?
Azərbaycanda hal hazırda proqrammlaşdırma daha yaxşı inkişaf edir. Proqramçı olmaq üçün texniki avadanlığa ehtiyac yoxdur. Proqramlaşdırmanın asan olduğunu demək istəmirəm. Bu peşənin də öz əziyyəti var. Lakin hətta orta səviyyəli IT mütəxəssisi olmaq üçün, sistem administratoru olmaq üçün avadanlıqlar, istehsalat şəraiti və digər çoxsaylı elementlər lazımdır. Və əlbəttə ki mühitə aid problemləri nə qədər nəzəri öyrənsən də “production” mühiti fərqli olur. “Production” mühitləri də bir birindən fərqli olur: hər yerin öz tələbləri öz infrastrukturu mövcuddur.
Tələbələrə nə arzulamaq və tövsiyə etmək istərdiniz?
Tələbələrə tövsiyyəm birinci növbədə ingilis dilini örgənməkldir. Ən azı mətni oxuyub başa düşmək qabiliyyəti çox vacibdir, çünki bütün qurğuların, bütün texnoloqiyaların manualı, kitabı ingilis dilindədir.
Və əlbəttə ki hamiya ugurlar arzulayıram !