Dizayn müəllimi olmaqda Sizi nə ruhlandırır və sizi ən çox nə məmnun edir?
Dizayn müəllimi olmaqda məni ən çox öyrənmək həvəsi, ruhlandırdı. Çünki öyrəndiyim bilikləri kiminlə isə bölüşmək istəyirdim. Bunun da ən yaxşı yolu müəllim olmaq idi. Ən çox məmnun olduğum hal isə tələbələrin çoxunun da bu məlumatları öyrənməyə həvəsinin olmağı idi.
Tələbələrinizdə yaradıcılığı və dizayn tərzini necə inkişaf etdirməyə kömək edirsiniz?
Dizayn tərzini inkişaf etdirmək üçün öz sahələrinə aid dizayn nümunələrinə baxmağı məsləhət görürəm. Yaradıcılığı inkişaf etdirmək üçün, öz tərzlərini yaratmaq üçün çox gəzməyi, araşdırmağı, öyrəndiklərini isə öz işlərinə tətbiq etməyi məsləhət görürəm. Səhv etməkdən qorxmamağı, çünki nəhayət düz yolu öyrənəcəklər.
Niyə Adobe-dən sertifikat almağa qərar verdiniz və öyrənmə prosesində məqsədləriniz nə idi?
Adobe sertifikatını illərdi istifadə etdiyim qrafik redaktorları hansı dərəcədə öyrəndiyimi test etmək üçün almaq qərarına gəldim. Məqsədlərim isə öyrəndiyim kimi, yüksək səviyyədə də tələbələrə bu bilikləri öyrətmək idi.
Tədris və peşəkar təcrübənizə əsaslanaraq yeni dizaynerlərə hansı məsləhətləri verirsiniz?
Yeni dizaynerlərə ilk öncə səbirli və həvəsli olmağı məsləhət görərdim. Əgər bunlar olarsa həm öyrənmək, həm də öyrəndiklərini həyata keçirmək daha maraqlı olacaq. Eyni zamanda daha çox araşdırmaq, öyrənmək, tətbiq etmək. Çünki bu sahədə bilik və maraq tükənməzdir. Hər birinə uğurlar.
