Salam, Şaiq! Özünüz haqqında bir az danışın.
Mən Saiq Səmədov 1985 ci ildə Bakı şəhərində anadan olmuşam. Orta və ali təhsilimi Bakıda almışam.
Əslində mən IT-yə böyük təsadüf nəticəsində gəlmişəm. Xarici Dillər Universitetində Aropaşunaslıq fakultəsində oxumuşam. Ümumiyyətlə ayrı ixtisas sahibi olmuşam və 2005 ci ildə təsadüf nəticəsində bir adamla tanış oldum.
Həmən zaman xəstələnmişdim və mənə sistem vurmaq lazım idi. Bir tibb bacısı var idi, oların evinə gedirdim ki mənə sistem vursun və təsadüfən o xanımın oğlu ilə tanış oldum. Xanımın oğlu həmin dövrdə IT Essentials-la məşğul idi. Kompüterləri necə format etməyi, şəbəkənin necə işlədiyini programların necə yazıldığını və s. öyrənirdi. Həmin oğlan dərsdən sonra gəlib onun yanında oturmağa və baxmağa dəvət elədi. Mən də razılaşdım. 2005-ci ildən bəri təhsil ala-ala eyni zamanda IT sahəsinə də maraq göstərməyə başladım və burdan mənim IT sahəsindəki yolum başladı.
Mənim karyeram ən aşağı pillələrdən başlayıb. O zaman STEP IT Academy kimi akademiyalar yox idi və biz özümüz öyrənirdik, kitablar oxuyurduq, yanımızda olan daha təcrübəli adamlardan öyrənirdik, praktika edirdik. Bir qeyri hökümət təşkilatında Help Desk kimi işə başlamışam, daha sonra dövlət sektoruna İqtisadi İnkişaf Nazirliyinə keçdim. Bir müddət sonra dövlət qulluğuna imtahan verib Dövlət Sosial Müdafiə Fondunda şəbəkə mühəndisi vəzifəsində işə başladım.
Bir müddət dövlət sektorunda işləyənən sonra fikirləşdim ki daha çox inkişaf etməliyəm. Bunun uçün yeni bir iş, yeni mühit lazım idi. IT elə bir sahədir ki, bir yerdə addımlamamalısan. Dövlət sektorundan sonra özəl sektora keçdim: əvvəl neft şirkətindən, daha sonra isə tikinti şirkətlərində 2016-ci ilə qədər işlədim.
İş prosesinizi necə təşkil etdiyinizdən danışın
Mühəndis işləyərkən əsas məqsədim mümkün qədər çox müxtəlif vendorların sertifikatların almaq idi: həm işi çatdırmalı həm də imtahanlara hazırlaşmalı idim. Çətin olurdu, lakin çatdırmaq mümkündür.
Mühəndislik dövründə özümü mühəndis kimi inkişaf elətdirirdim və çalışırdım ki əmək bazarında rəqabətli bir mütəxəsisə çevrilim, daha dəyərli peşəkar kimi özümü tanıda bilim.
İş prosesi ümümiyyətlə belə idi: iş saatları ərzində mümkün qədər şirkətin şəbəkəsinin işləməsini təmin edirdim, hər hansı bir problem çıxarsa onu həll edirdim. Əslində bu elə tədris prosesi idi. Akademiyada indi bunu öyrədirlər, amma biz işlədiyimiz yerdən öyrənirdik və nəzəriyəni də özümüz orda açıb oxuyurduq.
Akademiyamıza necə gəldiniz?
9 il ərzində müxtəlif sektorlarda mühəndis kimi çalışdıqdan sonra STEP IT Academy-yə gəldim çıxdım.
2016-cı ildə təsadüfən Akademiyanın direktoru Aleksey Sleptsovla LinkedIn üzərindən virtual tanış oldum. Məni müsahibəyə dəvət etdi və müsahibədən keçdikdən sonra Ukraynadaki mütəxəsislərlə daha bir müsahibəm oldu. Bu günə kimi yadımdadır ki ilk tədris günüm 2017-ci ilin mart ayının 3-ü idi.
Peşənizdə ən çox nəyi sevirsiniz?
Ümumiyyətlə IT sahəsində ən çox sevdiyim amil sahənin statik yox dinamik olmasıdır. Bu gün biz IT-də nə görürüksə, artıq 5 il sonra bu texnologiyalar olmayacaq, və ya indi gördüklərimiz 5 il , 10 il qabaq heç yox idi.
Mən başlayan zaman 2005 ci ildə olan çox texnologiya indi yoxdur. IT sahəsinin yaşı o qədər də çox deyil, bəşəriyyətin tarixi ilə müqaisədə çox qısa bir müddətdir. Ona görə də dəyişikliklər dəhşət dinamikdir. Mən özüm də dinamikanı sevən adamam, statik həyat tərzi mənə görə deyil.
IT sahəsi həm də insanın düşüncə tərzinə təsir edir: daha anatilk düşünməyə, daha çox problemin həll edilmə istiqamətində düşünməyə vadar edir.
IT mühəndislərin çoxsunun qapalı olmasına baxmayaraq, belə həyat tərzi mənim xarakterimə uyğun deyildi. Elə ona görə də 2016-ci ildə dərs deməyə başlayanda mən həm də o sosiallığı yaratdım, təbələrlə təmasa qirməyə başladım. Ümümiyyətlə öyrətmək prosesi mənim üçün yeni idi. O qədər xoşuma gəlmişdir ki, məzun olmuş tələbələrlə bu günə gədər əlaqəm var.
Akademiyada tədris etməyə başlayanda paralel olaraq IT-nin başqa sahəsinə də qədəm qoydum. Bu informasiya texnologiyalarının bizness tərəfidir, daha dəqiq desək IT distruyubutorlar.
Hal hazırda bir IT vendorla işdiyirəm. Distribyutorlar IT avadanlıqların Azərbaycana gətirib satmaqda iştirak edən şirkətlərdir. İlk öncə mühəndis kimi işə başladım, bir müddət keçəndən sonra isə mühəndislikdən daha çox biznes inkişaf meneceri vəzifəsinə keçdim, və hal hazırda qlobal vendorlardan biri olan Fortinet kibertəhlükəsizlik şirkətinin Azərbaycan, Gürcüstan və Türkmənistan üzrə regional satış meneceriyəm və bu iş mənim xoşuma gəlir.
Müəllimlik peşəsini sevirsinizmi? Hansı çətinliklərlə qarşılaşırsınız?
Dərs demək mənə çox maraqlı gəlir. İlk növbədə biliyini paylaşdığın insanın hər hansı bir nəticə, uğur əldə etdiyini görmək çox xoş bir hissdir. İkinci xoşuma gələn amil isə insanlarla əlaqədə olub bağlılıqlar yaratmaqdır.
Bunan qabaq tədrisdə təcrübəm yox idi, lakin mən bildiyim bir şey haqqda yaxşı və çox danışa bilərəm deyə, o qədər də çətinlik çəkmədim. Ünsiyyət qurmaq, bildiyimi çatdırmaq uşaqalara bacardığım gədər yardım etmək mənə zövq verir.
Azərbaycanda IT-nin gələcəyini necə görürsünüz?
İstənilən sahə zəncirvarı şəkildə başqa bir sahə ilə bağlıdır. IT sahəsi də iqtisadiyyata, biznesə bağlıdır. IT ayrı ayrılıqda mövcud ola bilməz. Mütləq ki bizneslə əl-ələ verməlidir. Biznes inkişaf etdikcə, iqtisadiyyatın müxtəlif şaxələri inkişaf etdikcə, ölkədə IT də mütləq inkişaf edəcək. Mən ümid edirəm ki Azərbaycan IT sahəsinin bütün sahələri inkişaf edcək.
Tələbələrimizə hansı tövsiyyələr verə bilərsiniz?
Tələbələrə birinci tövsiyyəm odu ki, bu sahəni xoşlayıb xoşlamadıqlarını özləri üçün müəyyən etsinlər. Özləri üçün müəyyənləşdirsinlər ki bu sahə onlara maraqlıdırmı yoxsa yox?
Əgər artıq IT-ni seçiblərsə bu sahədə baş verən daimi dəyişkliyə hazır olmalıdırlar. Daim yenilikləri izləyib, oxuyub, praktika etməlidirlər daim community də olmalısan daim ozlərini up to date saxlamalıdılar.
Ümumi desək
-
ilk olaraq müəyyən etməlidirlər ki IT sahəsi xoşlarına gəlir yoxsa yox
-
müəyyən olunubsa bu işə ciddi yanaşmalıdırlar
-
üçücu növbədə isə mənim özümə verilən məsləhəti vermək istiyirəm: ilk addımlardan pul dalıyca qaçmasınlar. Mütəxəssis olduğunuz andan etibarən iş özü gəlib sizləri tapacaq
Gələcək planlarınızı bizimlə bölüşə bilərsinizmi?
Gələcəyə planım odur ki Azərbaycanda IT sahəsinin daha da çox inkişaf etməsinə töhfəmi verim. Hal hazirda daha çox kibertəhlükəsizlik sahəsindəyəm və qlobal vendorun köməyliyi ilə Azərbaycanda kibertəhlükəszilik tədrisi ilə baglı işlər görmək istəyirəm.