Data Analitik Olaraq Freelance İş İmkanları
Data analitik olmaq bu gün böyük şirkətlərdən kiçik startaplara qədər hər yerdə tələb olunan bir peşədir. Freelance iş rejimi isə data analitika bacarıqlarına sahib olanlara daha rahat qrafik və müxtəlif layihələr üzərində işləmək imkanı verir. Freelance data analitika layihələri adətən Biznes hesabatlarının hazırlanması, A/B test nəticələrinin təhlili, Power BI və ya Tableau kimi alətlərdə interaktiv panellərin yaradılması, eləcə də SQL sorğuları vasitəsilə məlumatların təmizlənməsi kimi tapşırıqları əhatə edir. Bu bloqda, sizə tələb olunan bacarıqlar və freelance bazarda necə fərqlənmək lazım olduğuna dair strategiyalardan danışacayıq.
Tələb Olunan Bacarıqlar və Proqramlar
Uğurlu freelance Data Analitik olmaq üçün aşağıdakıları bilmək lazımdır:
-
Texniki Biliklər: Təməl olaraq, məlumatların idarə edilməsi üçün SQL dili zəruridir. Analiz və modelləşdirmə üçün Python (Pandas, NumPy) bilikləri və ya statistika təhlili üçün R proqramlaşdırma dili vacibdir.
-
Vizuallaşdırma Alətləri: Məlumatları aydın və interaktiv şəkildə təqdim etmək üçün Power BI və ya Tableau kimi alətləri peşəkar səviyyədə bilmək lazımdır.
-
Soft Bacarıqlar (Yumşaq Bacarıqlar): Freelance işdə layihə idarəçiliyi, effektiv ünsiyyət və müştəri ehtiyaclarını anlama bacarığı böyük əhəmiyyət daşıyır. Analitik nəticələri texniki bilikləri olmayan şəxslərə izah etmək bacarığı isə xüsusilə mühümdür.
Portfolio və İş Axtarışı Strategiyaları
Freelance bazarda özünü təsdiqləmək üçün necə bir strategiya qurulmalıdır?
-
Güclü Portfolio: Portfolio analitikin iş qabiliyyətinin sübutudur. Portfolioda yalnız işlər deyil, həm də probleminin necə həll edildiyi, Python və ya SQL-dən necə istifadə edildiyi və nəticədə hansı biznes dəyərinin yaradıldığı göstərilməlidir. Kaggle və ya ictimai məlumat bazalarından istifadə edərək hazırlanan nümunələr layihələri nümayiş etdirmək üçün uyğundur.
-
İş Axtarışı: Freelance platformalarda (Upwork, Fiverr) düzgün profil yaratmaq və ixtisaslaşmış data analitika forumlarında aktiv olmaq lazımdır. Təklif göndərərkən müştərinin probleminə fokuslanmaq və konkret həll yolları təklif etmək uğur şansını artırır.
-
Qiymətləndirmə: Öz xidmətlərinizi düzgün qiymətləndirmək və müştəri ilə şəffaf ünsiyyət qurmaq davamlı karyera üçün vacibdir.
Data analitik olmaq və peşəkar biliklərə yiyələnmək üçün STEP IT Akademiyası olaraq biz sizə Python, SQL, Power BI kimi əsas alətləri öyrədən data analitika kursu təklif edirik. Karyeranıza Data Analitika sahəsində başlamaq üçün indi bizimlə əlaqə saxlayın və təlimlərə yazılın!
