Bizimkiləri tanı! – IT-də 3 qız
Təqvimdə öz gününün olması çox xoşdur. Xüsusilə, əgər bu gün sənin böyüklüyünü göstərirsə.
Qadınlara IT-də yerin olmaması stereotipi ilə mübarizə aparmaq məqsədilə BMT-nin IKT sahəsində aparıcı təşkilatı olan Beynəlxalq Telekommunikasiya Birliyi (International Telecommunications Union - ITU) hər il aprel ayının dördüncü cümə axşamını IT sahəsində işləyən və təhsil alan qadınların günü kimi elan etmişdir.
Qadınların özləri də bu sahədə təhsil almaqla və heç də pis nəticələr göstərməməklə, bu stereotipə qarşı mübarizə aparırlar.
Dərslərində zərif cinsin nümayəndələrinin sayı çox olan Step IT Akademiyasını da buna xüsusi misal göstərmək olar.
Bu il IT sahəsində çalışan qadınların beynəlxalq günü aprel ayının 25-i qeyd olunur. Bununla əlaqədar olaraq biz sizləri Step IT Akademiyasının, hekayələri çoxlarınızı ilhamlandıracaq, üç füsunkar xanım tələbəsi ilə tanış etmək qərarına gəldik.
Kamilla Sərkarova – Data Scientist
24 yaşlı xanım MDU-nun mekanika riyaziyyatı fakültəsində bakalavr təhsilini bitirib və hal hazırda həmin universitetdə magistr təhsili almaqla yanaşı, Step IT Akademiyasının proqramlaşdırma fakültəsinin tələbəsidir. «Proqramlaşdırmaya gedən yol bakalavrın birinci kursundan başladı. Qrupun yarısı qızlardan ibarət olduğu üçün özümüzü sıxılırmış kimi hiss etmirdik», - Kamilla zarafatyana dedi.
Xanım bildirir ki, başlamaq o qədər də çətin deyildi, çünki, təhsil aldığı kollektivlərdə belə diskriminasiya alqışlanmırdı. Amma, Kamilla digər xanımlardan eşidirdi ki, bəzi kişilər onların biliklərinə bələd olana qədər bacarıqlarını sual altına qoyurdular.
«Amma, hətta indiki işimdə də IT-də işləməyən xanımlardan eşidirəm: «Xanım-proqramçı, bu haradan ağlına gəldi?» Gənclər avtoqraf götürmək barədə zarafat edirdilər. Amma, IT sahəsində işləyən uşaqlar üçün isə bu, adi haldır. Hal hazırda işlədiyim yerdə, demək olar ki, hamı ekspatdır», - proqramçı etiraf etdi.
Bu yola olan sevgisindən danışarkən, Kamilla bu sahəyə məsələnin «gözəl həlli» anlayışı olan riyaziyyatdan gəldiyini bildirir. Və ona həmişə məsələnin bir neçə üsulla həllini axtarmaq və onların arasından ən maraqlısını seçmək xoşuna gəlirdi.
«Proqramlaşdırma da buna oxşardır, qarşımda olan məsələ üçün gözəl həll tapanda bu, məni sevindirir. İş mənim çox xoşuma gəlir, biliklərinizi tətbiq etmək üçün çoxlu imkanlar və variantlar mövcuddur və nəticədə işlək məhsul əldə etmək mümkündür. Diqqətsizlik ucbatından buraxılmış səhvləri axtarmaq və məsələlərin tez-tez qeyri-dəqiq qoyulması xoşuma gəlmir», - o, əlavə edir.
Nərgiz Xəlilzadə - Web-dizayner
2008-ci ilin yayında, instituta qəbul olmazdan öncə, Nərgiz rəsmlə məşğul olmağa başladı. Daha dəqiq desək, o, həmişə şəkil çəkirdi, amma, bu, vacib qərar verməli andakı istəklə bir deyildi. O, Azərbaycan Dövlət Pedaqoji Universitetinin biologiya fakültəsinə qəbul oldu, amma, o, bioloq olmaq istəmirdi. 2013-cü ildə bakalavr pilləsini qurtarandan sonra da, o, rəsmlə məşğul olmağa davam edir və sərgilərdə iştirak edərək sertifikatlar əldə edirdi.
«Şəkil çəkmək sənin üçün nəfəs almaq kimi vacib olanda, başa düşürsən ki, bu sənin həyatının işidir. Təhsilimi art-studiyada davam etdirirdim və öz işlərimi sataraq heç də pis pul qazanmırdım və hətta öz əl işlərimdən ibarət «Nargis Art Boutigue» mağazamı açdım. Nəhayət, 2016-cı ildə mən Step IT Akademiyasına qəbul oldum. Bununla da, mənim həyatımda tamamilə fərqli mərhələ başladı. Və mən bu akademiyanı tapdığıma görə çox şadam!», - deyə, xanım bildirir.
Nərgiz artıq web-dizaynerdir və paytaxtın bir neçə şirkətində çalışır.
«Mən burada təhsil almağı hamıya tövsiyyə edirəm. Xüsusilə də qadınlara, çünki, burada aldığınız təhsil evdə oturaraq pul qazanmağa imkan verir», - o, deyir.
Xanım qeyd edir ki, dizaynerin hansı işlə məşğul olmasının fərqi yoxdur: paltar tikmək, interfeys çəkmək və ya avtomobilin salonunu layihələndirmək – onun məqsədi hər şeyi maksimal dərəcədə estetik və funksional etməkdir. Və əlavə edir ki, onun yaratdığı personajların animasiyada canlandırılmasına tamaşa etməkdən böyük zövq alır.
Yevgeniya Frolova – IT-mütəxəssis
Yevgeniya Milli Aviasiya Akademiyasını informasiya texnologiyaları və sistemləri mühəndisliyini ixtisası üzrə bitirib. Bakalavr dərəcəsini əldə etdikdən sonra, o, magistraturaya qəbul olmağa qərar verdi, amma tezliklə başa düşdü ki, bu, onun yolu deyil.
Sonra, xanım Step IT Akademiyasına qəbul oldu və təhsilə yanaşma tərzi onun xoşuna gəldi.
«Mən «Şəbəkələr və kibertəhlükəsizlik» ixtisası üzrə təhsil alıram və deyim ki, akademiyadakı təhsildən çox məmnunam. Mən aviasiya sahəsi üzrə irəliləmək istəyirdim, amma başa düşdüm ki, IT gələcəkdir. Ona görə də bu istiqaməti seçdim. Hal-hazırda hər yerdə kompüter texnologiyaları mövcuddur və onlarla dostluq etmək lazımdır», - o, deyir
Yevgeniya qeyd edir ki, Azərbaycan kimi mentalitetə sahib olan ölkələrdə qadının IT sahəsində olmağı çətindir.
«Proqramçı xanımları artıq kifayət qədər ciddi qəbul edirlər. Amma, şəbəkəçi və serverçiləri o qədər də yox. Hər hansı bir obyektə gedən zaman hamı “siz aytişniksiz? Mən bu sahədə xanımları heç vaxt görməmişəm” sözləri ilə təəccüblə baxırlar. Mən bu vaxta qədər bu sahədə çalışan cəmi bir-iki xanımla rastlaşmışam. Düşünürəm ki, bəxtim onda gətirdi ki, mənim rəhbərim mənə inandı və iş təcrübəmin olmamasına baxmayaraq, işləmək üçün şans verdi. Amma mən işimi çox sevirəm, və işimi bitirdikdən sonra hər şey saat kimi işləyəndə, bundan zövq alıram», - xanım etiraf etdi.
Bizim təbriklərimizi qəbul edin!
Sofiya Frank
