UX Dizayn Nədir və Necə İşləyir?
Uİ UX dizayn (İstifadəçi Təcrübəsi və İstifadəçi İnterfeysi) rəqəmsal məhsul inkişafının mərkəzində durur. UX (İstifadəçi Təcrübəsi) dizaynı bir məhsulun (veb-sayt, mobil tətbiq) sadəcə gözəl görünməsini deyil, həm də istifadəçilər üçün həqiqətən faydalı və asan olmasını təmin edən prosesdir. UI (İstifadəçi İnterfeysi) isə məhsulun vizual elementlərinə, yəni düymələrin, rənglərin, tipoqrafiyanın və layoutun necə görünəcəyinə cavabdehdir. UX UI dizayn prosesi dörd əsas mərhələni əhatə edir: tədqiqat, analiz, dizayn və test. Əsas məqsəd istifadəçi problemlərini həll edən və biznes hədəflərinə çatan məhsullar yaratmaqdır. Bu prinsiplər xüsusilə veb dizaynda önəmli rol daşıyır.
UX Zamanı Edilən 3 Əsas Səhv Nələrdir?
UX dizaynerləri tərəfindən edilən kritik səhvlər məhsulun uğur qazanmasına ciddi təsir edir. Bəs, ən çox rast gəlinən səhvlər hansılardır? Birinci və ən böyük səhv, istifadəçi tədqiqatını aparmamaq və dizayn qərarlarını sadəcə fərziyyələrə əsaslanaraq verməkdir. İkinci böyük səhv isə sadəliyi pozaraq həddindən artıq mürəkkəb interfeyslər yaratmaqdır. Üçüncü və son dərəcə vacib səhv isə, bu gün mobil trafikin dominant olduğu bir dövrdə mobil uyğunluğu nəzərə almamaqdır. Peşəkar bir ui ux dizayner bu səhvləri etməməlidir.
İstifadəçi Təcrübəsini Yaxşılaşdırmaq üçün Populyar Proqramlar Hansılardır?
İstifadəçi təcrübəsini gücləndirmək üçün seçilən alətlər ümumiyyətlə iki əsas istiqamətə bölünür: dizayn və analitika alətləri. Dizayn tərəfdə Figma, Adobe XD və Sketch dizaynerlərə sürətli şəkildə maketlər hazırlamaq, komanda ilə real vaxtda işləmək və fərqli cihaz ölçüləri üçün prototiplər yaratmaq imkanı verir. Bu alətlər həmçinin test mərhələsində istifadəçilərlə ssenari qurmağa və məhsulun ilkin versiyasını sınamağa şərait yaradır.
Analitika alətləri isə daha çox real istifadəçi davranışını başa düşməyə fokuslanır. Hotjar və Microsoft Clarity xəritələr, kliklər və scroll analizləri vasitəsilə hansı hissələrin daha çox diqqət çəkdiyini, hansı bölmələrin istifadəçini çətinlikdə qoyduğunu göstərir. Google Analytics isə ümumi trafik, istifadəçi axınları və dönüşüm yolları haqqında dərin məlumat verir.
Bu proqramlar birlikdə işlədikdə bizneslər daha intuitiv, funksional və istifadəçini yormayan platformalar yarada bilirlər. Nəticədə həm istifadəçinin məmnunluğu artır, həm də məhsulun performansı güclənir.
STEP IT Akademiyası olaraq biz tələbələrimizə peşəkar UX/UI dizayner kimi formalaşmaq imkanı yaradırıq. Kurslar və qəbul şərtləri haqqında daha ətraflı məlumat almaq üçün elə indi bizimlə əlaqə saxlayın!
