UI və UX Arasında Hansı Fərqlər Var?
Rəqəmsal məhsul dünyasında ən çox qarşılaşdığımız terminlər UI (İstifadəçi İnterfeysi) və UX (İstifadəçi Təcrübəsi)-dir. Bu iki anlayış daim bir yerdə işlənsədə, onların mahiyyəti əslində fərqlidir. Bir çox insanlar bu fərqi tam ayırd edə bilmir və düşünür ki, gözəl görünən hər şey avtomatik olaraq yaxşı dizayndır. Lakin, effektiv bir tətbiq və ya veb dizaynı yaratmaq üçün həm gözəlliyə (UI), həm də rahatlığa (UX) diqqət yetirmək lazımdır. Bəs, UI və UX arasında hansı fərqlər var və bu iki sahə məhsulun keyfiyyətini təmin etmək üçün necə birlikdə çalışır? Gəlin bu suallara cavab tapaq və bir ui ux dizaynerinin işində bu elementlərin hansı rol oynadığını birlikdə öyrənək.
Dizayn Prosesində UI və UX-ın Rolu
Dizayn prosesində hər iki sahənin özünəməxsus rolları var. UX dizayneri prosesə daha erkən başlayır. O, istifadəçi tədqiqatı aparır, problemləri müəyyənləşdirir və məhsulun təməl strukturunu (wireframe-lər, informasiya arxitekturası) qurur. UX-in əsas məqsədi məhsulun məntiqli, istifadəyə asan və effektiv olmasını təmin etməkdir. UI dizayneri isə bu təməl üzərində işləyir, vizual elementləri, rəng palitrasını, tipoqrafiyanı və ikonları seçir, son maketləri (mockup) hazırlayır. UI dizaynının rolu məhsulun cazibədar görünüşünü təmin etməkdir. UX nəyin qurulacağını, UI isə onun necə görünüb hiss ediləcəyini müəyyənləşdirir.
Keyfiyyətli Məhsul Dizaynı Üçün UI və UX-i Necə Birlikdə İstifadə Etməli?
Uğurlu məhsulun sirri UI və UX-in mükəmməl şəkildə birləşməsindədir. Bu iki sahə bir-birini dəstəkləməlidir: əla UX (yəni, asan funksionallıq) zəif UI (xoşagəlməz görünüş) səbəbindən uğursuz ola bilər, eynilə çox gözəl UI (gözəl görünüş) zəif UX (çətin naviqasiya) səbəbindən işləməz. Uİ UX dizaynerlər bu birliyi təmin etmək üçün qarşılıqlı dizayn prosesini tətbiq edirlər: UX-in qurduğu wireframe-lər UI tərəfindən vizual şəkildə zənginləşdirilir və ardınca Figma kimi alətlərdə hazırlanan prototiplər istifadəçilər üzərində test edilir. Beləliklə, estetik görünüş (UI) və funksional rahatlıq (UX) eyni vaxtda optimallaşdırılır.
UX UI dizayn prosesinin incəliklərini, Figma kimi lazımi alətləri və vizual elementlərin tətbiqini öyrənmək istəyirsiniz? STEP IT Akademiyası olaraq biz sizə dizaynın dilini öyrədir, UX Uİ üçün lazım olan proqramlarla praktik bacarıqları aşılayırıq. Təlimlər və qəbul şərtləri haqqında daha ətraflı məlumat almaq üçün indi bizimlə əlaqə saxlayın!
