COVID-19 pandemiyası artıq həyatımızın bir hissəsinə çevrilib. Lakin bu dəfə biz daha hazırlıqlı idik. İlk karantin dövründə qazandığımız təcrübə, problemsiz və sərgüzəştsiz bütün istiqamətlərdə distant təhsilə qayıtmağımıza kömək etdi! Tələbələrimizin distant təhsil haqqında fikirlərini sizə təqdim etmək istəyirik.
Aylin Vahabova - Proqram Təminatının Yaradılması / Bootcamp
Bu, STEP IT Academy-də artıq ikinci distant təhsil almağımdı və sözün düzü inanılmaz bir təcrübədir. Yaratdıqları MyStat sistemi çox mütəşəkkil və öyrənməyi asanlaşdıran xüsusiyyətlərlə doludur. Üstəlik, yazılmış bir dərsi oturub nəzərdən keçirə bilmək ev tapşırıqlarını verməkdə çox faydalıdır. Tədris materiallarından və müəllimlərimin dəstəyindən çox şey əldə edirəm. İlk təcrübəm o qədər yaxşı oldu ki, peşəkar kursa yazıldım. Çox sağ olun!
İlkin Məmmədov - Kompüter Qrafikası və Dizayn
Distant təhsil, vaxtıma və puluma qənaət etməkdə üstünlükdü. Mənim üçün həm rahat, həmdə virusla əlaqəli daha təhlükəsizdi. Yalnız foto kurs dərsimiz, distant təhsildə rahat deyil, buna görə karantin bitənə gədər,bu dərsi təxirə saldıq!
Asif Rzayev - Proqram Təminatının Yaradılması
Hamımız bilirik ki, qlobal pandemiya səbəbindən bütün təhsil prosesləri distant formaya keçib. STEP IT Academy də istisna deyil. Akademiyada distant təhsil Martın 20-si başladı. Gözəl bir hiss idi: əlinizdə bir fincan çay, rahat kresloda öz kompüterinizdə işləmək. Lakin, canlı dərsləri heç nə əvəz edə bilməz. İlk karantində Akademiyanın distant təhsilin təşkili ilə problemləri də var idi: əlaqənin kəsilməyi və s. Mənə elə gəlir ki, Akademiya distant təhsilin təşkilində qəşəng bir atmosfer yaradib. Üstəlik distant təhsildə ən çox xoşuma gələn şey dərsdən sonra bir müddət qalmağımız və müəllimlə, qrupumuzla işimizi davam etdirməyimiz idi. Həmişə demişəm ki, proqramlaşdırma həyatımın mənasıdır, çox zövq aldığım bir şeydi. Heç bir səbəb olmadan sevdiyin bir şeydən imtina edən bir insan təsəvvür edə bilmieəm. Proqramlaşdırmağı sevirəm, IT sahəsini sevirəm və dərslərin hansı formada aparılması mənim üçün önəmli deyil. STEP IT Academy-nin onlayn dərsləri barədə təəssüratlarım müsbətdir. Bu yaşda STEP kimi böyük bir ailənin bir hissəsi olmağımdan ötrü çox sevinirəm.
İlqar Şahverdiyev - Kiçik Kompüter Akademiyası
Məncə distant təhsil daha yaxşıdır, çünkü STEP IT Academy-yə uzaq olanlar var və buna görə digər dərslərin ortasından çıxıb Step-ə yola çıxır, amma distant təhsil sayəsində dərsləri tam bitirdiktən sonra STEP 'in başladığı vaxtda dərsə girmək olur. Distant təhsil sayəsində canlı olaraq gəlsək də eyni şeyləri başa düşürük, yəni distant olsada hər şey eynən anlaşılır. Distant təhsil həyatımıza girdiktən STEP IT Academy-dəki bütün müəllimlər dərsi video formatında çəkir bəzən müəllimlər təlim materiyallarında olmayan bilgiləri başa salanda və uşaqlar birşeyi başa düşməsələr və ya unutsalar videonu online şəkildə izləyə bilərlər.
