Veb-dizayna olan güclü tələbat dizayner peşəsini hər yerdə çox arzulanan və lazımlı etmişdir. Bu müasir və hər zaman inkişaf edən sahədə işləyərkən hətta başlanğıc mərhələdə belə yaxşı maliyyə qazancı əldə etmək olar. Güclü, lazımlı və arzulanan bir dizayner olmaq üçün hansı 8 əsas bacarığa malik olmaq lazımdır sualını cavablanırmağa çalışırıq.
1. Yaradıcı düşüncə və vizuallaşdırma.
Yaxşı dizayner sadəcə forma və rənglərlə oynayaraq əldə olan təsvirlərlərin işlənməsi ilə məşğul olmur. Öz müştərilərinin sifarişi ilə o, sonrakı təkrarsız işinin əsası olacaq qaralama (набросок) işlərini aparmağı bacarmalıdır. Öz düşüncələrini kağızda əks etdirmək bacarığı dizaynerin əsas müsbət cəhətidir! İşinin nəticəsini yalnız monitorun ekranında görmək mümkündürsə belə.
2. Tipoqrafika
Unutmayın ki, hətta müasir rəqəmsal texnologiya dövründə belə tipoqrafika dizaynerlər üçün öz aktuallıq və mühümlüyünü qoruyub saxlamaqdadır. İstənilən saytın ziyarətçiləri şriftlərin ölçüsünə, üslubuna və digər elementlərə qeyri-ixtiyari fikir verir. Şriftlərin saytdakı təsvirlərə və məzmuna uyğun olub-olmamasından asılı olaraq, onların verdiyi qiymət müsbət və mənfi ola bilər. Bu isə birbaşa saytdan istifadə ziyarətçilərin sayına təsir edir. Çap materialları üçün tipoqrafikanın əhəmiyyəti daha artıqdır. İstənilən halda peşəkar qrafik dizayner şriftlər, onların düzgün yerləşdirilməsi, şrift keqlinin düzgün seçilməsi və digər elementlər haqqında müəyyən məlumatlara sahib olmalı və öz bilgilərini tətbiq etməyi bacarmalıdır.
3. Peşəkar proqram təminatı
Photoshop, Illustrator, InDesign – qrafik dizaynerin istifadə etdiyi proqramlardır. Dizaynerin işlətdiyi proqramların daimi yeniləndiyi və təkmilləşdiyindən, onların hamısını sayıb qurtarmaq mümkün deyil. Peşəkar dizayner ən azı bir neçə dizayn proqramı ilə işləməyi bacarmalı, eləcə də onların üstünlüklərini və çatışmazlıqlarını bilməlidir. Bundan əlavə o, bütün yeni dizayn proqramları haqqında vaxtında xəbər tutmadır.
4. Multimedia proqram təminatı.
Bəzən müştərilər öz saytlarında qrafik obyektlərindən daha artığını (kiçik animasiya çarxı, interaktiv infoqrafika) görmək istəyirlər. Belə sifarişləri həyata keçirmək və mürəkkəb iri layihələrlə işləmək üçün qrafik dizayner multimediya proqramlarında (Acrobat, Mayavə s.) işləməyi bacarmalıdır.
5. Rəng nəzəriyyəsi.
Rəng nəzəriyyəsi bilikləri yalnız rəssamlara gərək deyil. Rəngləri bir birinə qatmaq və uyğunlaşdırmaq bacarığı qiymətsizdir. Oxucu qeyri ixtiyari və ani olaraq saytdakı rəng seçimini qiymətləndirir. Rəng seçimi onun zövqüncə olmadığı halda o, öz axtarışını digər saytlarda davam etdirəcək. Həmçinin nəzəriyyəyə təkrarsız effektlərin yaradılmasına yol açan işıqlandırma və kölgənin salınması qaydaları da daxildir.
6. Şablonun optimallaşdırılması.
Saytdakı bütün elementlər ziyarətçini saytın məqsədinə doğru aparacaq şəkildə yerləşdirilməlidir. Məsələn, yaratdığınız sayt internet-mağazadırsa, ziyarətçinin çox asan şəkildə sifariş verə bilməsi üçün şərait yaradılmalıdır. Bu zaman edilən təkliflər bezdirici olmamalıdır. Yaratdığınız saytda infoqrafika varsa, onu elə yerləşdirmək lazımdır ki, istifadəçidə ona ətraflı şəkildə baxmaq marağı oyansın. İstənilən görüntü ziyarətçi tərəfindən asanlıqla qavranmalı və saytda ahəngdar şəkildə yerləşməlidir.
7. HTML və CSS əsasları.
Peşəkar qrafik dizayner iş prosesində müstəqil sürətdə saytlardakı obyektlərin ölçüsünə düzəliş etməyi və onların yerini dəyişməyi bacarmalıdır. İnzibatçılıq etməsə belə, o, saytların idarə edilməsini bilməlidir. Bu biliklər ona qrafik elementlərin yaradılmasında və ümumi imkanların genişləndirilməsində köməklik edəcək
8. Poliqrafiya dizaynı.
Rəqəmsal texnologiya dövründə yaşadığımıza baxmayaraq, çap məhsullarına olan tələbat böyükdür. Hətta yalnız İnternet məkanında fəaliyyət göstərən şirkətlər belə əvvəl-axır çap məhsullarından istifadə edir. Elan vərəqləri, təqvimlər və bukletlər reklamda və müəyyən hadisələr haqqında məlumatın yayılmasında əvəzsizdir.
Step İT Akademiyasının "Kompüter qrafikası və dizayn" dərslərində siz tələbata uyğun və ən aktual biliklərə sahib olacaqsınız. Buradakı təcrübəli müəllimlər sizə dizayn dünyasının incəciklərini öyrədəcəklər.
