Tələbəmizin hazırladığı oyun Appstore’da dünya reytinqinə yüksəldi
24.08.2020
Proqram Təminatının Yaradılması ixtisasımızın tələbəsi Sahib Zülfüqar bir neçə gün öncə özünün yaratdığı daha yeni bir oyununu App Store və Play Market-ə yükləyib.
Oyunun adı "Cırtdan"-dır. Sahib həm oyunun tərtibatını həm də personajı Azərbaycan milli üslubunda hazıryaıb. Oyunda milli nağıl personajımız, milli attributlarımız, yəni milli bayrağımız, milli geyimimiz, milli papaq, alov məşəli və s. yer alıb. ‘Cirtdann’ sonsuz "runner" janrında hazırlanıb, IOS ve Android platformalarında mövcuddur və minlərlə oyunun içində Appstore-un top cahrtında 1-ci yerə çıxıb. Artıq ‘Cirtdann’ oyununu Londonda, Cenevrədə , Moskvada, Hindistanda, Türkiyədə, ABŞ-da oynayırlar.
"Cirtdan" Sahibin ilk oyunu deyil. Son illər ərzində Sahib müxtəlif platformalara 6 oyun yükləyib və uğur qazanıb. Qeyd edək ki öncə Sahib Kiçik Kompüter Akademiyamızın tələbəsi olub, karyerasını IT sahəsində davam etmək qərarına gəldikdə isə Peşəkar Kompüter Təhsilinə qəbul olunub.
Sahib, biz səninlə fəxr edirik, sənin uğurlarına sevinirik! Təbriklər!