STEP Kiçik Kompüter Akademiyasının ilk məzun günü baş tutdu

Dekabrın 28-i STEP IT Academy-də Kiçik Kompüter Akademiyasının ilk məzunları üçün təntənəli mərasim keçirildi. Üç illik təhsildən sonra onlar 20 ölkədə fəaliyyət göstərən STEP IT Academy-nin beynəlxalq diplomunu aldılar.

STEP IT Academy-nin direktoru Aleksey Sleptsov, ilk məzunlarını ölkə xaricində olduğu üçün xüsusi bir video mesaj ilə təbrik etdi. O qeyd etdi ki, Akademiyanın verdiyi əsas dəyər diplom deyil, təlim zamanı əldə olunan bilik və bacarıqlardır. "Gələcək peşəniz IT ilə birbaşa əlaqəli olmasa belə, 21-ci əsrdə heç bir ixtisas kompüterlər və informasiya texnologiyaları olmadan mövcud ola bilməz və siz artıq rəqəmsal liderlərə çevrilmisiniz" deyə Aleksey Sleptsov qeyd edib.

Son üç ildə STEP Kiçik Kompüter Akademiyasının məzunları informasiya texnologiyaları sahəsində geniş biliklərə yiyələnmişlər: Construct və Unity platformalarında oyunlar yaradılmsını, WIX, WordPress, HTML / CSS, JavaScript texnologiyalırndan istifadə edərək veb saytlar yaratmaq; SketchUp, Tinker Cad və Photoshop kimi alətlərdən istifadə edərək 2D və 3D dizayn; video və fotoqrafiya, montaj, robototexnika və s.

Təqdimat mərasimi zamanı uşaqlar müəllimləri üçün sürpriz videolar təqdim etmişdilər və dəyərli bilik və səbrlərinə görə onlara təşəkkürlərini bildirmişdilər.

Diplomları məzunlara tədris prosesinin koordinatoru Məryəm Abbaszadə-Poladova və Kiçik Kompüter Akademiyasının müəllimləri Ləman Qədirli və Nadir Zamanovla təqdim etdi.

STEP Kiçik Akdamiyasının ilk məzunlarını ürəkdən təbrik edir və bütün işlərində böyük uğurlar diləyirik. Uğurlar!