STEP IT Academy-də dərslərin başlaması haqda
25.06.2020
Əziz tələbələr və valideynlər!
STEP IT Academy-də dərslərin başlama tarixi ilə bağlı çox sayda suallar alırıq. Biz də sizin kimi qeyri-müəyyən bir vəziyyətdəyik, ölkədəki epidemioloji vəziyyətin yaxşılaşmasını gözləyirik və sevimli akademiyamızın binasında hər zamanki kimi oxumağa başlayacağımızı sizinlə birlikdə gözləyirik.
STEP IT Academy Azərbaycanda IT sahəsində aparıcı tədarükçülərdən biri olaraq təhsil prosesində uzunmüddətli fasiləyə yol verə bilməzdi. Ən qısa müddətdə keyfiyyəti qorumaq şərti ilə, Akademiyadaki əyani dərsləri distant təhsilə transformasiya etmək qərarı verildi. Bu transformasiya haqda daha çox məlumatı bu məqalədə oxuya bilərsiniz.
❗ Peşəkar Kompüter Təhsili istiqamətinin yeni qruplarının distant tədrisi iyul ayında başlayacaq. Tədris şöbəmiz bütün maraqlanan tələbələrlə əlaqə saxlayacaqdır.
Akademiyada əyani dərslərin tarixi, təəssüf ki, hələ məlum deyil. Biz də sizin kimi Azərbaycan Respublikası Nazirlər Kabinetinin Operativ Qərargahının qərarını gözləyirik. Əməkdaşlarımız tarixlər açıqlanan kimi sizinlə əlaqə saxlayacaqlar.
Əgər əlavə məlumata ehtiyacınız varsa bizimlə əlaqə saxlayın. Biz bütün suallarınıza cavab verməyə hazırıq
- Qəbul şöbəsi
- Tədris şöbəsi
Evdə qalın və sağlam olun!