Qrafk dizayner olmaq haqda yazdığımız ilk yazıda sizə bu maraqlı və çətin peşəyə doğru gedən yolun üç ilk addımı haqda danışmışdıq. İndi isə keçək yerdə qalan üç addıma.
İş üçün alətlər
İş üçün düzgün alətlərə yiyələnmək - əsas faktorlardan biridir, və bu alət əlbəttə ki, müasir və sürətli kompüterdir. Qrafik dizaynerlər üçün proqram təminatına gəldikdə isə, sizin bir neçə proqramdan yaxşı başınız çıxmalıdır, çünki fərqli işlər üçün fərqli alətlərdən istifadə etməniz lazım ola bilər. Mütləq olaraq Adobe Photoshop, Adobe InDesign və Adobe Illustrator proqramlarını öyrənməyinizi tövsiyə edirik.
İstifadə etdiyiniz proqram təminatının versiyasına fikir verin. Şirkətdə işləyirsinizsə, adətən şirkətin özü sizin proqram təminatınızı yeniləyir və standartlaşdırır. Lakin fərdi fəaliyyəti olan qrafik dizaynerlər istifadə etdikləri texnologiyaları mütləq sifarişçi ilə koordinasiya etməlidir. Müştərilər başqa versiya işlədə, və ya tam başqa proqram işlədə bilərlər, ona görə eyni və ya sinxronlaşdırılmış versiyadan istifadə etməyinizi təmin edin, ki sizin işiniz müştəriyə düzgün şəkildə çatsın.
Koloristika
Proqram təminatı biliklərinə əllavə olaraq daha bir neçə biliklərə yiyənlənməyiniz vacibdir. Qrafikanı düzgün yerləşdirməyi bilmək, rənglərin bir biri ilə uyğunlaşmasını başa düşmək çox vacibdir. Sonucda sizin işlər avtonom ola bilməz, onlar müştərinin marketing strategiyasına uyğun olmalıdır. Marketing strategiyası isə kitabdaki kimi öündə başlıqları, mətni və digər interaktiv funksiyaları özündə birləşdirir.
Biznes əsasları
Müasir freelance bazarında qrafik dizaynerlərin həddindən artıq çox seçimləri var. Şirkətdə ştatda deyil, müqavilə ilə işləyənlər mütləq olaraq biznesin əsaslarını başa düşməlidirlər, ki öz kiçik biznesini, məsələn şəxsi online mağazalarını aça bilsinlər.
Vergi ödəməsində hansı faktorları bilmək lazımdır? Sizin qanuni müqaviləniz özündə hansı məlumatları birləşdirməlidir? Siz yeni layihələri necə icra edə bilərsiniz? Siz fərdi sahibkar qismində şəxsi biznesinizi necə aparmağı mütləq bilməlisiniz!
Uğur olsun, dizaynerlər!
